Бүген, җөмәдәл-ахыр аеның 4нче көнендә (5нче декабрьдә), Түбән Кама балалар район хастаханәсендә намаз бүлмәсе ачылды. Әлеге чарада Түбән Кама шәһәре һәм районы имам-мөхтәсибе Салих хәзрәт Ибраһимов, баш табибның медицина бүлеге буенча урынбасары Наил Фәйзрахманов, кунаклар һәм пациентлар катнашты.
Салих хәзрәт ассызыклаганча, намаз бүлмәсендә балалары белән хастаханәдә ятучы ата-аналарга да, медицина персоналына да уңайлы шартлар тудырылган.
Келәм җәелгән, тәһарәтханәсе булган бүлмә дәвалау корпусының 1нче катында урнашкан.
Фотосурәтләр: Түбән Кама мөхтәсибәтенең матбугат хезмәте.
