Бүген, шәгъбан аеның 7нче көнендә (6нчы февральдә), Нәзарәттә Татарстан Мөфтие Камил хәзрәт Сәмигуллин халыкны кабул итте.
Мөселман активистлары, җәмәгать эшлеклеләре һәм битараф булмаган кешеләр хәзрәт белән очрашуга үз проектларын тәкъдим итү, теләк-тәкъдимнәре белән уртаклашу өчен килде. Аларның сораулары нигездә динара мөнәсәбәтләр, рухи мирасны саклау, шулай ук Бөек Ватан сугышы геройлары һәм тыл хезмәтчәннәре турында истәлекләрне яңарту белән бәйле иде.
Шунысын әйтергә кирәк, бу атнада Мөфти Камил хәзрәт Татарстан халкы белән күчмә очрашулар үткәрә башлады. Кичә ул Ютазы, Бөгелмә районнары мөселманнары, СВОда катнашучыларының гаиләләре һәм якыннарын югалтучылар белән очрашты.
