23 апрельдә Казанның "Апанай" мәчетендә "Иман" ислам мәдәнияте үзәгенең чираттагы җыелышы узды. Җыелышта оешма эшчәнлегенә кагылышлы сөйләшү булды. Сөйләшү барышында үзәк проблемалары тикшерелде. "Иман"ның яңа рәисе итеп, тарих фәннәре кандидаты, РИИ мөгаллиме Н.Сабиров сайланды.
Нияз хәзрәт үзәкнең төп эш юнәлешләрен аңлатып узды:
- төрле дини, милли кичәләр уздырып, вәгазьләр сөйләп, галимнәр, дин, мәдәният әһелләре белән очрашулар оештырып халыкны мөселманнарның рухи кыйммәтләре белән таныштыру;
- татар халкының һәм ислам дөньясының рухи-мәдәни басмаларын нәшер итү;
-төрле массакүләм мәгълүмат чаралары аша күп гасырлык Ислам мирасын, традицияләрен дәгъватлау.
