11 апрельдә Чирмешән районының Җәмигъ мәчетендә Мөхәммәд Пәйгамбәргә (с.г.в.) багышланган вәгазь кичәсе үткәрелде. Күркәм вәгазь тыңларга 130га якын кеше җыелган иде. Шуны да әйтергә кирәк, үзәк мәчет каршында эшләүче мәдрәсәнең ашханәсендә тәүге тапкыр дини мәҗлес оештырылды.
Бу көнне имам-мөхтәсиб Минсәгыйрь хәзрәт Миншин җитәкчелегендә имамнар җыелышы да уздырылды. Имам-мөхтәсиб райондагы дини вәзгыять хакында сөйләде, шулай ук халыктан килеп ирешкән сорауларга җавап бирде, кайбер мәчетләрнең көнкүреш проблемаларына тукталды.
