26 апрельдә Казахстанның Актүбә өлкәсе хакиме Архимед Мөхәмбәтов җитәкчелегендәге делегация Диния нәзарәтендә булды. Казахстан кунаклары Татарстан Президенты каршындагы дини оешмалар белән хезмәттәшлек идарәсе җитәкчесе Марат Гатин, мөфтинең беренче урынбасары Габдулла хәзрәт Әдһәмов, Казан шәһәре казые Мәхмүт хәзрәт Шәрәфетдинов белән очрашты.
Очрашуда катнашучылар республиканың дини, мәдәни тормышы турында фикер алыштылар, үзара хезмәттәшлек итү турында сөйләштеләр.
