string(52) "http://dumrt.ru/articles/mm-islam/mm-islam_4910.html"
15.02.2013 12:07

15-17 май көннәрендә мәркәзебез Казанда V Халыкара cаммит: Россия һәм Ислам хезмәттәшлеге оешмасы илләренең икътисади бәйләнешләре - KAZANSUMMIT 2013 узачак. Аның кысаларында Малайзия Халыкара ислам университетын (IIUM) тәмамлаучылар ассоциациясенең Россия филиалын ачу күздә тотыла.

Әлеге югары уку йортының үзенчәлеге – халыкара мохит, биредәге студентларның 40 проценты – чит ил кешеләре. Халыкара университетны тәмамлаучылар бөтен дөнья буенча тарала һәм үз илләрендә зур дәрәҗәләргә ирешә. Шундыйлар арасында Фонг По Куан – Малайзия парламенты әгъзасы, Аманулла Джейхун - фән кандидаты, Әфганистанның Австралиядәге илчесе, Мөхәмәд Хәсән - Келантан парламенты әгъзасы.

IIUMны тәмамлаучыларның рәсми ассоциацияләре Тайланд, Босния һәм Герцеговина, Индонезия, Австралия, Согуд Гәрабстаны, Оман һәм Сингапурда бар. Ассоциациянең филиаллары шулай ук Төркия, Кытай, Нигерия, Филиппин, Йәмән, Бруней, Сенегал, Көньяк Африка, Шри-Ланка, Бангладеш, Гамбиядә ачылган. Ассоциациянең Россиядәге филиалын ачу исә IIUM, Малайзия белән элемтәләрне ныгытырга мөмкинлек бирәчәк.

KAZANSUMMIT кысаларында Малайзия һәм Россия ректоратлары белем бирүнең актуаль мәсьәләләре һәм бу өлкәдә хезмәттәшлек итү хакында сөйләшәчәк. Нәкъ шушы түгәрәк өстәл вакытында Ассоциациянең илебездәге филиалын рәсми рәвештә ачу көтелә.

 

intertat.ru