"Иман" нәшриятында "Вафа хәзрәт Гыйлаҗи" исемле китап дөнья күрде. Аны бастыруга Рәүф Ибраһимов әзерләде. Исеменнән күренгәнчә үк, ул китап татар халкының мәшһүр дин әһеленә багышланган. Китапка аның белән истәлекләр, хәзрәт Казанда төзеткән "Нурислам" мәчетенә кагылышлы материаллар кертелде.
Вафа хәзрәт белән истәлекләрне аның кызы Зәбидә ханым Зарипова, Камил хәзрәт Бикчәнтәев, Камил Габидуллин, Каюмов Шамил Габдерәшит улы, Габделкави Фазлыев, Харис хәзрәт Салихҗан, Төхвәтулла улы Әһлиулла, Шәйхиев Мәхмүт һәм хәтта ул вакыттагы исполком рәисәсе Мишина Любовь Николаевна да уртаклашты. Шулай ук китапка В.Гыйлаҗиның матбугатта басылган мәкаләләре дә кертелде. Китапка өстәмә итеп документлар бирелә – мәхәллә тарихы, күп кенә кулъязма хәлендәге документлар. Китапта шулай ук әле беркайда да дөнья күрмәгән фотоматериаллар да шактый күп. Китапның 200 бите аша совет чорындагы Ислам яшәешен азмы-күпме күз алдына китерергә мөмкин.
"Дин вә мәгыйшәт" газетасыннан
