Лашман урта мәктәбен 1977 нче елда тәмамлаучылар авыл мәчетендә ифтар мәҗлесе үткәрделәр һәм анда укытучыларны чакырдылар. Бу чараны укытучы Фаиз Билалов оештырды. Төрле яклардан кайткан классташлар алдында авыл имамы Гариф Гатин, Елховой имамы Искәндәр хәзрәт һәм башкалар вәгазь сөйләде, намаз укылды. Барча халык инде вафат булган укытучылар һәм классташлар, мәрхүм-мәрхүмәләр рухына багышлап дога кылдылар. Соңыннан мәчетнең мәдрәсә өлешендә көйләнгән табын артында тәмле ашлар белән сыйладылар.
- Изге Рамазан аенда безгә карата шундый хөрмәт күрсәткән укытучыларыбызга зур рәхмәт, - ди ветеран укытучы Миңнегөл Гыйматдинова. Башкалар да шундый фикердә.
