Татарстан абыстайлары дини өлкәдә медиагыйлемлелек нигезләре буенча онлайн-курслар уза

14 сентябрь 2020 ел 16:46

Бүген, Мөхәррәм аеның 27 нче көнендә (15 сентябрьдә) Казандагы Россия ислам институты базасында Мөслимәләр берлеге белән берлектә “Дини өлкәдә медиагыйлемлелек нигезләре” дип аталган дистанцион белем күтәрү курслары башлана. 72 сәгатьлек дәресләрне Россия ислам институтының журналистика, медиа, җәмәгатьчелек белән элемтә һәм башка өлкәдәге укытучылары алып бара. Курслар 12 ноябрьгә кадәр дәвам итә.

Шунысы үзенчәлекле: курсларны, Россия Федерациясендәге дини оешмалар, мөхтәсибәтләрнең матбугат хезмәтләре, массакүләм мәгълүмат чаралары вәкилләреннән, журналистлардан тыш, республика абыстайлары һәм социаль яктан актив мөселман хатын-кызлар да тыңлаячак. Татарстан мөслимәләре берлеге рәисе Наилә ханым Җиһаншина сүзләренә караганда, курсларда илледән артык мөслимә катнашырга теләк белдергән.

Шулай итеп, Татарстан абыстайлары “Оешманың уңай имиджын эчке һәм тышкы PR алымнары ярдәмендә формалаштыру”, “Вакыт белән идарә итү”, “Хисләр белән идарә итү”, “Уңышлы итеп чыгыш ясау принциплары”, “Аралашуда манипулятив технологияләр. Өер психологиясе”, “Җитәкче имиджы нидән гыйбарәт?” һәм башка темалар буенча лекцияләр тыңлаячак.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана