9 октябрь көнне Буа мөхтәсибәте белән берлектә шәһәребезнең хаҗилар мәчетендә Олылар көненә багышланган мәҗлес булып узды. Ул табында шәһәр һәм авыл остазбикәләре дә катнашты. Бу мөһим чарага халкыбызның күренекле остазбикәсе Сәйдә абыстай Аппакова да махсус килгән иде. Ак яулыклы, ак күңелле Ак әбиебез милләттәшләренә үзенең тормышыннан алынган вәгазьләрен сөйләде. Соңыннан кан – кардәшләренең төрле сорауларына җаваплар бирде. Мәҗлескә килгән халык шушы күркәм мәҗлесне оештыручыларга, Буа мөхтәсибәтенә, кунагыбыз Сәйдә абыстайга олуг рәхмәтләрен белдерде. Киләчәктә дә шундый истә калырдай мәҗлесләр оештырсыннар иде дигән теләкләрен җиткерделәр.
Өйлә намазына азан яңгырагач, бергәләшеп намаз укыдылар.
