24 март көнне “Мөхәммәдия” мәдрәсәсе шәкертләре арасында волейбол ярышы уздырылды. Бу ярышта мәдрәсәнең көндезге, кичке бүлектә укучылары һәм остазлар катнаштылар: барлыгы сигез команда булды. Бу юлы уйнаучылар мәдрәсә кубогы өчен көрәштеләр. Уен Олимпия системасы буенча барды: сигез командадан дүрт, дүрттән беренче, икенче, өченче урыннар билгеләнде. Беренче урынга кубок һәм команда уенчыларына аерым бүләкләр тапшырылды. Икенче, өченче урыннардагы командалар шулай ук бүләкләнде. Катнашучылар һәм җанатарларга да бу уеннар бик ошады. Ярышны үткәрүчеләргә һәм ярдәм итүчеләргә Аллаһы Тәгалә әҗер-савапларын насыйп әйләсен!
