Буа шәһәре һәм авыл имамнарының чираттагы җыелышы узды
28 март көнне Буа мәдрәсәсендә шәһәр һәм авыл мәчетләрендә хезмәт куючы имамнарның җыелышы булып узды. Бу мөһим чара Буа имам-мөхтәсибе Илмир хәзрәт Хәсәнов һәм мөхтәсибәттә эшләүче ярдәмчеләре катнашында узды. Җыелыш март аеның видеожурналын карау белән башланып китте.
Илмир хәзрәт Хәсәнов имамнарга кайбер мөһим булган мәсьәләләрне аңлатып үтте, яз айларында мәчет тирәләрен чистарту, агарту эшләренә күбрәк игътибар бирергә өндәде. Аксакаллар рәисе Кадим хәзрәт Мөбарәкшин 31 март көнне Госман мәчетендә балалар өчен намаз уку бәйгесе үтәчәген, авыллардан да балаларны алып киләчәкләрен әйтте.
Фәһим хәзрәт Сөләйманов зиратларның торышы һәм аны тәртипкә китерергә кирәклек турында сөйләде.
Хәзрәтләргә апрель аена намаз вакытлары таратылды.
