23 июль көнне Буа мәдрәсәсендә шәһәр һәм авыл мәчетләрендә хезмәт куючы имамнарның җыелышы булып узды. Бу мөһим чара Буа имам-мөхтәсибе Илмир хәзрәт Хәсәнов, мөфти урынбасары Равил хәзрәт Зөфәров һәм мөхтәсибәттә эшләүче ярдәмчеләр катнашында узды. Җыелыш июнь аеның видеожурналын карау белән башланып китте.
Сүзне башлап Равил хәзрәт мөфтиебез Камил хәзрәт Сәмигуллинның сәламен тапшыру белән башлап җибәрде. Аннан: "Эшләгән эшләрегез бихисап, Раббыбыз һәр эшләрегездән разый булсын", - диде. Илмир хәзрәт имамнарга корбан аена кагылышлы мәсьәләләрне аңлаттып үтте. Бер фикергә килеп, авыл һәм шәһәрдә бер тәртиптә бәйрәм намазын уку сәгатен билгеләделәр.
Өйлә намазы алдыннан Равил хәзрәт мәдрәсәбез янында яңа бина, төзелеп килә торган 8нче мәхәллә мәчете, Иске Суыксу авылында төзелеп килә торган яңа мәчет биналары белән якыннан танышты, уңышлар теләде.
Хәзрәтләргә август аена намаз вакытлары таратылды.
