4-нче ноябрь көнне Буа районы Килдураз авылы мәчетендә Мәүлид мәҗлесе булып узды. Мәҗлестә Үзәк мәчет имамы Рөстәм хәзрәт Хәйбуллин, Буада яңа төзелеп килә торган мәчет имамы Шамил хәзрәт Вәлиуллин, авыл имам-хатыйбы Кадим хәзрәт Мөбәракшин һәм авыл халкы катнашты.
Кадим хәзрәт мәҗлесне вәгазь-нәсыйхәт белән башлап җибәрде. Рөстәм хәзрәт сөекле Пәйгамбәребез Мөхәммәд салләллаһу галәйһи вә сәлләмнең кешелек дөньясына әйтеп бетергесез зур йогынты ясаганы турында сөйләде. Шамил хәзрәт бөтен авылдашларны Мәүлид ае белән тәбрик итте, Пәйгамбәребез Мөхәммәд салләллаһу галәйһи вә сәлләмнең һәр үрнәген үзебездә булдырып яшәргә кирәк икәнлеген аңлатты, Буада яңа төзелеп килә торган мәчеткә үзләренең өлешләрен кертүчеләргә рәхмәтен җиткерде. Мәүлид кичәсе әзерләнгән мул табын артында дәвам итте.
