Казанда троллейбус пассажирларын “шәһидләр һәм шәһидәләр”дән сак булырга чакыралар

10 сентябрь 2011 ел 08:37

Түбәндәге игъланнар җәмәгать транспортында пәйда булган.

Башкалабызда “Экстремизмга юл юк!” дигән айлык үтә. Барлык мәчетләрдә дә 2004 елда Бесланда һәлак булганнарны искә алып, дога кылалар, ә дини уку йортларында тематик лекцияләр үткәрелә. Җәмәгать транспорты хезмәткәрләре дә әлеге айлыктан читтә калмады. Мәсәлән,  Казан троллейбусларын инде айдан артык “шәһидләр һәм шәһидәләр”дән сак булырга чакыручы игъланнар “бизәп” тора.

         Листовкалар пассажирларны әйләнә-тирәдәгеләргә карата уяу булырга, үз-үзен үтерүче “шәһид яки шәһидәләр”нең “сезнең гомерегез өчен куркыныч ниятләре булу мөмкинлеге” хакында кисәтә. Игълан буенча, гражданнар аларны, мәсәлән, түбәндәге билгеләр буенча  таный ала: “кара төстәге ябык кием”.

Әлеге игъланнар бар кешегә дә ошап бетми. Исламда “шәһид” термины дингә ышанучыларга карата, хәтта бала тапканда үлгән хатын-кызларга һәм газаплы үлем белән үлгәннәргә карата да кулланыла.

“Шәһид” сүзенең мәгънәсе христианнардагы “газапланучы” сүзенә дә якын тора.

– “Газапланучы”лар да, шәһидләр дә террорчылардан һәм бандитлардан аермалы буларак, җинаятьче була алмый, – ди бу игъланнардан  канәгать булмаган халык.

– Әлеге игъланнар кешеләр өчен, аларның куркынычсызлыгы өчен, игътибарлы булсыннар өчен языла. Безнең беркемне дә үпкәләтәсебез килми, мин үзем татар кешесе һәм ислам динен тотам. Гадәттә террорчылар шундый кыяфәттә күренгәч, нишлисең?! Ә “шәһид” сүзенең “террорчы” мәгънәсендә кулланылуы бездән генә тормый, – ди Казандагы “Метроэлектротранс” муниципаль унитар предприятиесенең эксплуатацияләү буенча генераль директор урынбасары Илмар Мөхәммәтдинов.

Предприятие дә мөселманнарга каршы бармаска һәм җәмәгать транспортындагы листовкаларда язылган “шәһид һәм шәһидәләр”не “террорчы” сүзенә алмаштырырга булды.

Максим МИЛОСЛАВСКИЙ,

kp.ru сайтыннан алынды

Башка журналлар

Һәр сүздә хикмәт бар

24 март 2016 ел 11:43

Зур Өскедә – зур шатлык

Октябрь революциясенә кадәр Зур Өске ике мәхәлләле авыл булган. Биредә 153 хуҗалык теркәлгән. Авыл...

23 март 2016 ел 11:06

Камил хәзрәт Сәмигуллин Россиянең төрле төбәкләре мөфтиләре белән очрашты

Камил хәзрәт Казанның Тынычлык мәчетендә Мәскәү мөфтие Әлбир хәзрәт Крганов, Ханты-Манси округы...

05 декабрь 2014 ел 15:30

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана