КФУда мөселман илләре һәм ислам икътисады белгечләрен әзерли башлаячаклар. Вузның Көнчыгышны өйрәнү институтында узган ел ачылган төбәк һәм ислам кафедрасы җитәкчесе профессор, икътисад фәннәре докторы Ренат Беккин: «Без санаулы белгечләр әзерләячәкбез«, — ди.
Ислам икьтисады белгече фикеренчә: «Ике чит телне генә түгел, билгеле бер төбәк үзенчәлекләрен өйрәнгән белгечләр дәүләт хезмәтендә, дипломант буларак, коммерциядә һәм фәндә — бар җирдә кирәк. Федераль хөкүмәт КФУны ислам дөньясын өйрәнүгә һәм Россиянең мөселман илләре белән хезмәттәшлек алып баруына яраклы сыйфатлы белгечләр әзерләүче үзәк вуз итеп күрә».
Шушы көннәрдә вуз «чит ил төбәкләрен өйрәнү» юнәлешендә белгечләр әзерләүгә лицензия алды. Әлегә укырга теләүчеләрне контракт нигезендә җыялар, августта сигездән алып унбишкә кадәр бюджет урын барлыкка киләчәк.
Биредә ныклап инглиз телен, ким дигәндә бер шәрык телен укытуга һәм мөселман илләрен, ислам икьтисадын өйрәтүгә басым ясаячаклар.
Чыганак: www.ksu.ru
