Рөстәм Миңнеханов Кытайдагы татар мәчетендә булды

16 апрель 2014 ел 14:10

15 апрельдә Кытайга эш визиты кысаларында Рөстәм Миңнеханов Синьцзян-Уйгур автономияле районы үзәге Өремче шәһәренең иң эре һәм иске мәчетләренең берсендә булды, дип хәбәр итә ТР Президенты матбугат хезмәте.

Өремче - уйгурлар, татарлар, гомумән, мөселманнарның традицион яшәү урыны ул. Татар мәчете Өремчедә иң олы тарихлысы санала. Ул ХIX гасырда, 1897 елда, татар диаспорасы акчасына салынган. XX гасыр башында мәчет 3 мең квадрат метр мәйданны биләгән дини комплекска әйләнгән. Бу шәһәрдәге иң зур мәчетләрнең берсе, һәм анда меңнән артык кеше сыя ала.

Мәчеттә Рөстәм Миңнеханов Өремчедә яшәүче татарлар белән очрашты. Аңа шәһәрдә ислам йолалары ничек саклануы һәм дәвам итүе турында сөйләделәр.

"Безгә монда булу, сезнең белән очрашу, бу мәчетне күрү - зур шатлык", - дип мөрәҗәгать итте Рөстәм Миңнеханов Өремче татарларына, дип яза "Татар-информ".

 

Визит делегации Республики Татарстан во главе с Президентом Республики Татарстан Р.Н.Миннихановым в Китайскую Народную Республику (гг. Урумчи, Пекин, Гонконг). Фото Марсель Бадыкшин

Башка журналлар

Татарстан мөфтияте 2017 елны "Галимҗан Баруди елы" дип игълан итте

Ошбу тәкъдим белән бүген Диния нәзарәте бинасында үткән пленум җыелышында мөфти Камил хәзрәт...

31 гыйнвар 2017 ел 09:09

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана