Милләт белән дин бергә

24 ноябрь 2011 ел 10:05

Дингә тартыла торган яшьләр көнән- көн арта. Бу күренеш бик сөендерә.Хәзерге мөселман яшьләре бик актив . Төрле проектларда, чараларда катнашалар. “Каян гына шуның кадәр энергия алып бетерәләр” -дигән фикер туа.Әлбәттә, аларга көч биреп торучы “ диненә һәм милләтенә мәхәббәт” . Казан малае Илнур, татар телен камиль белүче һәм гомер девизы: “Милләт динсез яши алмый”. Әйдәгез аның белән якынырак танышып китик.

Илнур Нуриев башкалабыз Казанда туып үсә.Хәзерге вакытта Казан Ислам Университетының 3 курсында белем ала. Шулай ук, “Шәрык” клубының “ Иман нуры” проектын оештыручыларның берсе һәм клубта имам вазыйфасын башкара.
-“Шәрык” клубында “Иман нуры” проекты кайчаннан эшләп килә?максаты нинди?
- “ Иман нуры” проектын икенче ел оештырабыз. -“Шәрык” мөселман яшьләре клубы булгач, һәрвакыт дингә багышланган чаралар оештырабыз. Ураза вакытларында ифтарлар , дини сәфәрләр Пәйгәмбәребез (с.а.в) хәдисендә әйтелгәнчә “Гыйлемне тумыштан алып ләхеткә кадәр алырга кирәк”. Без шушы хәдискә таянып үзебез дә гарәп телен өйрәнәбез.
Максатыбыз яшьләрдә дингә һәм милләткә мәхәббәтен артыру.
- Синеңчә мөселман яшьләре хәзерге вакытта актив мы?
-Бик актив дисәм дә ялгыш булмас. Күп кенә дини берләшмәләр, проектлар барлыкка килде. Без алар белән дустанә мөнәсәбәттә торабыз. Бәлки киләчәктә уртак проект оештырачакбыз.
-Киләчәккә нинди ниятләрең бар?
-Киләчәктә дини гыйлем белән генә чикләнмичә, дөньяви гыйлем алырга ниятлим.
-Ишеткән идем, син җәй көнне имам практикасын үтәргә Ставрополь өлкәсенә барган идең?
-Әе, мине Ипатово р-нның Нижний Борханчак авылына имам вазыйфаларын үтәр өчен җибәрделәр. Оештыручылар Татарстан Республикасы, Ставрополь өлкәсе Диния Нәзарәтләре һәм Казан Ислам Университеты.
-Шушы сәяхәтең нәрсә белән күңелеңә кереп калды?
-Ставрополь өлкәсендә күбрәк христиан динендәге кешеләр яши. Әмма ләкин, мөселманнар да юк түгел.Климаты Татарстан җирлеге белән чагыштырганда күпкә аерылып тора. Иң истә калганы, авылда мәчет юк , намазны мәктәптә укый идек.
-Яшьләргә теләкләрен?
-Бергә булсак барда була.

Кызыксыну уятса, Рәхим ит К. Маркса, 41

Ләйсән ГОБӘЙДУЛЛИНА,

КФУның журналистика һәм социология факультеты студенткасы

“Дин вә мәгыйшәт” газетасыннан

 

Башка журналлар

Татарстан мөфтияте 2017 елны "Галимҗан Баруди елы" дип игълан итте

Ошбу тәкъдим белән бүген Диния нәзарәте бинасында үткән пленум җыелышында мөфти Камил хәзрәт...

31 гыйнвар 2017 ел 09:09

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана