Ноябрь аенда ничек ял итәчәкбез?

21 октябрь 2011 ел 10:33

РФ Хезмәт Кодексының 112 нче маддәсе нигезендә, узган елдагы кебек үк, 4 нче ноябрь – Халыклар бердәмлеге көне – ял көне булачак.

“Татарстан Республикасында бәйрәм көннәре һәм истәлекле көннәр турында”гы ТР Законы нигезендә өстә­мә бәйрәм көннәре билгеләнде. Болар: 6 ноябрь – ТР Конституциясе кабул ителгән көн һәм Корбан бәйрәме.

Ай календаре һәм традицияләр буенча Корбан бәйрәме башлануга туры килгән көн ТР Президенты Указы белән билгеләнә. Әлеге Закон нигезендә 2011 нче елның 1 нче августында кабул ителгән ТР Президенты Р.Н.Миңнехановның “Мөселман бәйрәмнәрен үткәрү турында”гы Указында 2011 нче елның 6 нчы ноябре – Корбан бәйрәме башлануга туры килә торган көн, дип билгеләнгән.

Быел 6 нчы ноябрь (эш көне булмаган бәйрәм көн) – ТР Конституциясе кабул ителгән көн һәм Корбан бәйрәме – ял көненә – якшәмбегә туры килде. РФ Хезмәт Кодексының югарыда күрсәтелгән маддәсе нигезендә, эш көне булмаган бәйрәм көне ял көненә туры килгән очракта, ял көне бәйрәмнән соң килә торган эш көненә күчерелә. Шунлыктан, 6 нчы ноябрьнең якшәмбе ялы дүшәмбегә – 7 нче ноябрьгә күчереләчәк.

Шулай итеп, быел Татарстанда 4 нче һәм 6 нчы ноябрь көннәре эш көне булмаган бәйрәм көннәре, ә 7 нче ноябрь – ял көне булып саналачак, дип хәбәр итә tatar-inform.ru сайты.  

ТР Хезмәт, мәшгульлек һәм социаль яклау министрлыгыннан хәбәр итүләренә караганда, 5 ноябрь – шимбә көн – алты көнлек эш графигы нигезендә эшләүчеләр өчен эш көне булачак. Әлеге көн – бәйрәм алды көне, шуңа күрә эш сәгате бер сәгатькә кыскартылачак. 

Нияз САБИРҖАНОВ

"Дин вә мәгыйшәт" газетасыннан

Башка журналлар

Татарстан мөфтияте 2017 елны "Галимҗан Баруди елы" дип игълан итте

Ошбу тәкъдим белән бүген Диния нәзарәте бинасында үткән пленум җыелышында мөфти Камил хәзрәт...

31 гыйнвар 2017 ел 09:09

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана