string(50) "http://dumrt.ru/articles/society/society_7862.html"
11.10.2011 09:16

1 октябрь көнне ТР Фәннәр Академиясенең Тарих институты директоры, җәмәгать эшлеклесе Рафаэль Хәкимовның бердәнбер кызы машинасы белән бәрелеп вафат булды.

Камилә Казанга килгән вакытта үзе идарә иткән машина белән юл һәлакәтенә очраган һәм шунда ук вафат булган. Һәлакәт урынына тиз арада килеп җиткән медиклар да яшь автолединың гомерен саклап кала алмаган.

К.Хәкимова быел Казан федераль университетының ВМК факультетын тәмамлаган булган. Дүшәмбе көнне кыз башкалабызның Яңа бистә зиратына бабасы, шагыйрь С.Хәким янына җирләнде.

Исегезгә төшерәбез: татар халкының бөек шагыйре Сибгат Хәкимнең тууына быелның 4 декабрендә 100 ел булачак. Камилә дәү әтисенең бу юбилеен күрә алмыйча арабыздан китеп барды.   

ТР мөселманнары Диния нәзарәте Рафаэль Сибгат улының һәм аның тормыш иптәше Мәүлидә ханымның тирән кайгысын уртаклаша. Авыр кайгылы көннәрдә аларның гаиләсенә сабырлык, түземлелек тели.