Гает арасында туй ясарга ярыймы?

14 июль 2014 ел 13:31

Берничә укучыбыз бездән аларны борчыган сорауларына җавап табуны үтенеп хат юллаган. Сораулар дин өлкәсенә карый. Без Татарстан Диния нәзарәтенең дәгъвәт бүлеге җитәкчесе, Апанай мәчете имам-хатыйбы Нияз хәзрәт Сабировка мөрәҗәгать иттек.

– Уразаның беренче көннәрендә аягым җәрәһәтләнде. Табиблар мазь белән дәваларга киңәш иттеләр. Ярага дару сөртү уразаны бозмыймы икән?


Алабугадан Мәрзия Сабирова.

- Мәрзия ханым, ярага дару сөртү уразаны бозмый. Дару эчкә кертелсә, мәсәлән, укол кадаткан очракта, ураза бозыла.



– Күптән түгел генә кече улыбыз өйләнәм дип кайтты. Танышлардан ике Гает арасында туй ясарга ярамый дип ишеткән идек. Чыннан да шулаймы икән?

Ихтирам белән Апастан Мөбәрәкшиннар гаиләсе.

– Бу сорауга килгәндә, түбәндәгене әйтә алам: Шәригатьтә ике Гает арасында никах укытуга тыю юк. Никах - изге гамәлдән сана. Изге гамәлне никадәр иртәрәк кылсаң, шулкадәр яхшырак. Шуна курә, бер дә шикләнмичә, ике Гает арасында улыгыз үзе сайлаган яры белән никаһлаша һәм кавыша ала. Мәсәлән, Сөекле Пәйгамбәребез саллалаhу галәйhи вә сәллам Сәудә бинт Зәм исемле хатын белән Шәввәл аенда, ягъни ике Гает арасында никахлашкан.

 

intertat.ru

Башка журналлар

Татарстан мөфтияте 2017 елны "Галимҗан Баруди елы" дип игълан итте

Ошбу тәкъдим белән бүген Диния нәзарәте бинасында үткән пленум җыелышында мөфти Камил хәзрәт...

31 гыйнвар 2017 ел 09:09

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана