Җеннәр намаз укучыга комачаулыймы һәм алар күкләрдәге белемнәрне урлыймы?

04 февраль 2014 ел 13:18

Әйе, Шайтан һәм аңа ярдәм итүче җеннәр кешегә намаз укыганда төрле чит (вәсвәсә) уйларны күп итеп җибәреп комачауларга тырыша. Әбү Һүрәйрәдән (р. г.) тапшырылган хәдистә Аллаһ Илчесе (с. г. в.) әйткән: “Азан әйткәндә Шайтан кача. Әйтеп бетергәч, янә барлыкка килә. Намазга камәт әйтә башласалар, ул тагын югала. Камәт әйтелеп беткәч, ул кеше һәм аның нәфесе арасына кереп утырып янә килеп чыга: “Моны исеңә төшер, тегене исеңә төшер”, – дип әйтеп, аңа барысын да рәттән исенә төшерә. Шул вакытка кадәр ки, кайчан кеше ничә рәкәгать укыганын онытмый” (Бохари. Саләт: 28/6, № 1174, 1/413).

Раббыбыз безне Шайтан вәсвәсәләреннән сакласа һәм гыйбадәтләребезне ихлас күңелдән үтәүне насыйп кылса иде.

Аллаһ Илчесе (с. г. в.) җир йөзенә килгәнчегә кадәр җеннәр күкләрдә фәрештәләрнең бер-берсенә хәбәр ителә торган яңалыкларны тыңлаган.

Гайшә (р. г.) җиткергәнчә, Пәйгамбәр (с. г. в.) түбәндәгеләрне сөйләгән: “Фәрештәләр Гананда (болытта) җыелган хәлдә җирдә булырга тиешле хәлләр турында фикер алыша. Шайтаннар бу вакытта, моны ишетеп, аны ялган белән кушып, моны, савыттан су койган кебек, күрәзәчеләрнең колагына җиткерә” (Бохари, Бәдел-хак: 11, № 3114, 3/1197).

Коръәни-Кәримдә бу турыда түбәндәгеләр әйтелгән:

“Хактыр ки, без (җеннәр) Күккә менәргә (Аллаһ белән фәрештәләрнең сөйләшкәнен тыңларга) тырышып карадык. Ләкин Күкнең хәтәр сакчылар-каравылчылар белән һәм атыла торган утлы йолдызлар белән тулганлыгын күрдек. Яшеренеп тыңлар өчен без (Күкнең) уңай почмакларына постык. Ләкин тыңларга теләгәнне анда ут чыбыркысы сагалап тора икән” (“Җен” сүрәсе, 8-9 нчы аятьләр).

Икенче бер сүрәнең түбәндәге аятендә болай диелә:

“Хактыр ки, Без иң якын Күкне зиннәтле йолдызлар белән бизәп куйдык. Шулай итеп, Без аны (Күкне) итагатьтән чыккан һәр шайтаннан сакладык. Алар (шайтаннар) күкләрдә киңәшүче фәрештәләрнең сүзләрен ишетеп тормасын өчен, (йолдыз ташлары белән атылып) куылды. Алар озакка сузылган газапка дучар булачак. Мәгәр ки, (шайтаннарның) берәрсе берәр сер эләктереп кача башласа, аны бер чаткы (атылган йолдыз) эзәрлекләячәк” (“Саффат (Сафлар)” сүрәсе, 6-10 нчы аятьләр).

 Камил хәзрәт СӘМИГУЛЛИН 

Башка журналлар

Болгарда Мәүлид бәйрәме узды

Болгарның гүзәл Ак мәчетендә 23 декабрьдә республика күләмендә Мәүлид ән-Нәби үткәрелде. Бәйрәмдә...

29 декабрь 2015 ел 10:10

Йокы әдәбе

Әгәр кемдер яхшы, күңеленә хуш килгән төш күрсә, дөреслектә, бу төш Аллаһтандыр. Мондый төшне күргән...

29 декабрь 2015 ел 10:04

Казанда төзекләндерүдән соң тарихи Галиев мәчете ачылды

22 декабрьдә Казаныбызның Г. Тукай урамында урнашкан Галиев мәчетендә зур тантана булып узды. Мәүлид...

28 декабрь 2015 ел 10:44

Рәфыйк МӨХӘММӘТШИН: “Болгар ислам академиясе – Россия өчен стратегик проект, ул белем бирүдән тыш, гражданлык позициясен ныгытуны да күз уңында тота”

Сентябрь аенда Мәскәү җәмигъ мәчетен ачу тантанасында ясаган чыгышында РФ Президенты Владимир Путин...

30 октябрь 2015 ел 16:42
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана