string(50) "http://dumrt.ru/articles/society/society_7642.html"
27.08.2013 13:48

Татарстан мөселманнары Диния нәзарәте ярдәмендә Казанның "Гаилә" мәчете 30 нчы август көнне азан әйтү буенча республика конкурсын уздырачак. Бәйге халыкны дини чараларга җәлеп итү, дөрес һәм аһәңле итеп азан әйтүне популярлаштыру максатыннан үткәрелә.

Конкурста катнашырга теләүчеләр дүрт төркемгә бүленеп көч сынашачак:

  • 7-18 яшьлекләр;
  • 19-30 яшьлекләр;
  • 31-60 яшьлекләр;
  • 61 яшьтән өлкәнрәкләр.

Бәйгедә һәр районнан дүрт азан әйтүче катнаша ала. Ягъни, һәр яшь төркеменнән – бер катнашучы. Мөәзиннәрнең азанны дөрес һәм моңлы, матур итеп әйтүләре бәяләнәчәк һәм үз-үзләрен тотышларына игътибар ителәчәк. Җиңүчеләргә бүләкләр тапшырылачак.

Конкурста катнашырга теләүчеләрдән гаризалар 30 нчы августка кадәр “Гаилә” мәчетендә (Академик Глушко урамы, 24а йорт) кабул ителә.