«Зәкят» хәйрия фондының төп эшчәнлеге – Татарстанда зәкят җыю һәм мохтаҗларга таратуның уңайлы системасын булдыру. Әлеге максаттан «Дәүләт хезмәтләре» (госуслуги) электрон порталында акча күчерү схемасы каралган.
... Аллаһы Сүбхәнә вә Тәгалә байларны мал-мөлкәт белән сыный. Коръәндә әйтелгәнчә, мал-мөлкәт – дөнья хәятенең зиннәте, бизәге. Ләкин бу зиннәттә фәкыйрь-мескеннәрнең дә өлешләре бар. Ул ЗӘКЯТ дип атала.
Бер кеше дә үзе теләп ятим-мескен хәленә калмый. Адәм баласы Раббыбыздан булган сынаулар – янгын, фаҗига, авыру һ. б. белән сынауга дучар ителә.
Кеше хәлен кеше белми, үз башына төшмәсә, ди халкыбыз. Тәнебез сәламәт, тормышыбыз иркен, көч-куәтебез ташып торганда ятим-мескеннәргә ярдәм итәргә тырышып яшәсәк иде.
Фотода: Тәтеш районы Кече Әтрәч авылында узган елның июнь аенда Хәлил хәзрәт Мәгъсүмовның йортында яшен сугудан янгын чыга. Нигез тулысынча янып бетә. Яңа нигез кору өчен «Зәкят» фонды да үз өлешен кертте.
"Дин вә мәгыйшәт"
