Сорау: Әссәламү галәйкүм! Тәһарәт алганда тамакны чайкау хөкемен әйтегез әле.
Җавап: Бу мәсьәлә буенча танылган хәдис белгече имам Габдел-Хәй әл-Ләкнәви (рахимәхуллаһ) мондый фәтва биргән:
الغرغرة حالة المضمضة مستحبة
“Авызны юганда тамакны чайкау - мөстәхәб” (Фәтәва әл-Ләкнәви, Дар Ибн Хәзм, 32 б.).
Имам Галәветдин әс-Сәмәрканди “Төхфәт әл-фукаха” хезмәтендә тамак чайкауны сөннәт муәккадә дип саный.
Әлбәттә, болар ураза тотучыга кагылмый, чөнки ураза тотканда тамак чайкасаң, ураза бозылырга мөмкин.
Ә Аллаһ яхшырак белүче.
