Сорау: Әссәламү галәйкүм! Бала имезүче хатынга ураза тоту ярыймы?
Җавап: Үә галәйкүм әссәлам! Бала имезгән ана түбәндәге шартларның берсе булганда ураза тотудан азат була. Әлеге шартлар имам Шурунбүләлинең “Нур әл-Идах” китабында китерелә:
الحالات التي يجوز فيها الفطر:
٣. لحامل و مرضع خافت:
أ - نقصان العقل
ب - أو الهلاك
ج - أو المرض على نفسها أو ولدها، نسباً كان أو رضاعاً
Авырлы һәм бала имезгән хатыннар түбәндәге очракта ураза тотудан азат була ала:
1. Медицина күрсәткечләре буенча ураза тоту баланың акыл һәм физик ягыннан үсешенә зарар салырга мөмкин булса;
2. Ураза тоту яралгының яисә баланың үлеменә китерү куркынычы булса;
3. Ураза ананың, яралгының, баланың (сөт баласы булган очракта да) сәламәтлегенә зыян салса.
Әмма авырлы булганда, баланы күкрәк сөте белән ашатканда калган ураза каза кылынырга тиеш.
Ә Аллаһ – яхшырак белүче.
